Hovudfunn
- Mange private avløpsløysingar i området Vaset-Syndin tilfredsstiller ikkje reinsekrava i forureiningsforskrifta. Dårlege reinseløysingar på avløp kan føre til overgjødsling og algevekst i elver og innsjøer.
- Søre Syndin har ifølge vassprøvar frå 2024 «moderat» vasskvalitet grunna høge fosforverdiar.
- Vasskvaliteten i Midtre og Nørre Syndin kan bli svekka utan utbedringstiltak før vidare utbygging.
- For å oppfylle vassforskrifta er det naudsynt med oppgradering av avløpsløysingar og strengare krav til regulering av nye utbyggingsområde.
Tiltak framover
- Oppgradering av avløpsanlegg – Det ligg føre nasjonale krav om at alle avløpsanlegg skal oppfylle reinsekrava i forureiningsforskrifta innan 2033. Kommunen jobber for tida med ein strategi for opprydding i gamle avløp.
- Påkopling til kommunalt avløp – Hytter nær kommunalt avløpsnett skal koplast til der det er praktisk mogleg for å redusere punktutslipp.
- Mellombels stopp i nye spreidde utslepp – Det kan ikkje etableres nye utslepp i nedbørsfeltet til Søre, Midtre og Nørre Syndin før arbeidet med opprydding i gamle avløp er starta og kommunen har kontroll på vasskvaliteten. Unntak kan vurderast konkret for hytter som kan tilknyttast eit av dei sentrale felles reinseanlegga ved Midtre Syndin, og reinseanlegga kan dokumentere reinsegraden gjennom vassprøvar ut frå anlegget.
- Strengare regulering av nye hyttefelt – Nye reguleringsplanar må sikre at det ikkje skjer forverring av vasskvaliteten. Statsforvalteren i Innlandet har varsla at dei vil fremme motsegn mot nye reguleringsforslag mellom Vaset-Syndin fram til kommunen kan dokumentere kontroll på reinsekapasiteten og vasskvaliteten i området.
- Vidare overvaking og kartlegging – Årleg prøvetaking av innsjøane skal sikre eit godt grunnlag for vidare forvaltning. Kommunen vil samtidig førsøke å kartlegge forureiningsbidraget frå landbruket.
Kvifor er tiltaka viktig?
Tiltaka vil bidra til å:
· Redusere forureining og overgjødsling.
· Sikre berekraftig hytteutvikling
· Oppfylle nasjonale krav til vassforvaltning.
Vil du vite meir?
Les heile rapporten frå Norconsult på kommunen si heimeside:
https://www.vestre-slidre.kommune.no/innsyn.aspx?response=journalpost_detaljer&journalpostid=2023022017&scripturi=/innsyn.aspx&skin=infolink&Mid1=1498&