Heimeteneste:

Dette kan du få hjelp til i heimen:

• Medisinering
• Sårskift
• Personlig hygiene, som morgon- og kveldstell og dusj.
• Smørje mat, levere middag
• Respondere på tryggleiksalarmar

Ein søkjer om desse tenestene, via tildelingskontoret. Om det er eit akutt behov, startar hjelpa opp med ein  gong. Kartlegging og søknad kjem i etterkant.

Middagsutkjøring:

Utførast av frivillige måndag-onsdag-fredag

Utkjøring frå heimetenesta 7 dagar i veka. Dei dagane frivillige køyrer ut, leverer heimetenesta til dei som må ha besøk med medisin eller observasjon i tillegg.

Tryggleiksbustad:

I Kroken nr. 15 har vi laga til ei enkelt møblert leilegheit. Denne skal kunne brukast til dei som har behov for eit opphald nærare tenesteapparatet, i ei kortare periode. Inntaksmøte vurdere tildeling av plass på inntaksmøte.

Heimetenesta vil kome innom på tilsyn å hjelp etter behov. For meir informasjon, sjå Tryggleiksbustad.

Kvardagsrehabilitering:

I teamet sit fysioterapeut, ergoterapeut og heimetrenarar frå heimetenesta. Desse kan på sjølvstendig grunnlag melde inn aktuelle kandidatar som dei tek kontakt med, eller få kandidatar som har søkt via tildelingskontoret. Nokon frå teamet reiser ut på kartleggingssamtale, for å vurdere  om brukar  er aktuell for kvardagsrehabilitering og kva vedkommande ynskjer å trene på. Må ha eit eller fleire mål som ein ynskjer å nå.

Det innvilgast 4 veker med trening, 3-5 dagar pr. veke. Om det er nødvendig kan ein få forlenga trening med to veker ekstra. Eks. på mål og trene mot, funger heime utan hjelp av heimesteneste, kunne dusje på eigen hand, gå etter post/kaste søppel, påkledning etter beinbrot og liknande.

Ergoterapeut:

Ergoterapeut kan ta kartleggingsbesøk i heimen om det er nødvendig.  Kartlegg kva ein treng ved endra helsetilstand, som gjer at ein har behov for meir hjelp eller søke på hjelpemidlar via NAV. Ergoterapeut søker på hjelpemidlar som rullator, rullestol, heisbar seng og liknande. Små hjelpemidlar som matte i dusjen, handtak og liknande, må ein kjøpe sjølv.

Kommunal fysioterapeut:

Har ansvar for trening i heimen på henvisning frå lege.

Har ansvar for Frisklivssentralen, for meir informasjon, sjå Frisklivssentralen.